Nao nawe moitsa sa ipfo ngoonyi tsanu kundu mumanye kilya kyakunda iwedyo kimcheye na ndaho yake muwemanya mfeṟa fo wusuṟi wo wuitoṟi wo kyoṟa ateseheṟye waele. Mumanye na wuidimi woke chando wuikolonye shose ailukaya nawo so luidikye na ikuwada nao, nawo nyi wuwonekye ipfo kundu alekupaya na wuitiki wo pfinya yake chando wui. Na ipfo ko Kristo kawekupaya ado kashika imṟutsa wapfunyi kamdamiṟa ora lo owoko loke lo kulyo ipfo ruwehu. Kidembo kyake kisongoe orio wuwee na wusuṟi na wuidimi na wuchili wose na orio wunene wo orio rina lyechiwa isendo maheri ha kiiwulalu ang'uhalya hechiitumana naho.