Popular Bible Verses from DANIELI 3

Share

Nlyo Shadraki na Meshaki na Abednego wakahaluo wakambia, “Mangi Nebukadneza, luwode kindo kekuwia kiidi kya idedoli pfo. Kokoya nyi wudo, Ruwa odu ichu lokemṟundia nyi echiidima ilukiṟa na modo fu focha; Kokoya kilai kido. Iyo Mangi nomanye ke lochiidikia iindiya sanamu yapfo-pfo ma ihoneria maruwa hapfo.”

Nao kawawia, “Ambuyenyi inyi njiwonyi wandu waana; nawo waiwapfunguo, waitengeta kiidi kya modo ma kuwode kindo kiwapaaya pfo, indi ulya o kaana nyi afananyi na mana o ruwa?”

Nebukadneza kahamba, “Naṟumisho Ruwa o Shadraki, Meshaki na Abednego; ichu aleduma Malaika oke kakiṟa waṟundi wake wakumsirie, iwo waleilacha idedo lya mangi, wakawuta mbihu yawo ilasingie maruwa hengi shile Ruwa owo wawenyi.

Wulalu ngawika wuwawaso ke mndu oose o wumangi woko icho echideda idedo lilawaṟi lya Ruwa o Shadraki, Meshaki na Abednego, wechimanyo manyo o na mba yake iwe handu hekumba mambosha; kipfa kulawode Ruwa ungi echiidima ikiṟa adi.”