Popular Bible Verses from Roma 10

Share

Muselu unalaleya hiyo, nnalaleya ira wenno unarumelela na wanoni waye ira: <<Yesu gu Mbwiye>>, wenno unaroromela na mmirimani mwaye ira Mulugu ohomuvenyiha mokwani, gwenno unafuna vulusiwa.

Tchoira mutu amuroromela Yesu na mmirimani mwaye unokalihiwa wapama. Arumelela na wanoni waye ira: <<Yesu gu Mbwiye.>> unovulusiwa.

Fwanyeya ira nroromelo nnakumela muwari movwa mazu. Mazuwa, ba mazu zela Kiristu.

Vulusiwa momuroromela Yesu inakala nnga ilrembiwe mMazuni ira: <<Mutu wenne unaroromele nibwe nne, kaza anyaswa.>> Eto fwanyeya ira kavali hiyana mwa aJudewu na atu ohokala aJudewu. Nabwiya mmohive gu Nabwiya wa atu atene. Liye gunaavaha upama waye atene ananvepa. Kalaga nnga ilrembiwe mMazuni ira: <<Mutu wenno unavepe na nzina na Nabwiya ira akamihediwe unovulusiwa.>>

Eto maliba laleya aharumiwe, unawanda avi dowa laleya? Kalaga nnga mazu a Mulugu kalrembiwe wanle oira: <<Oriya ba manyalo a wenno unawenda avweyihaga Muselu Wapama.>>

Kodi aJudewu anowanda muitana ule kahamuroromenle atu? Nnga kodi anowanda muroromela wenno kahanvwile atu? Aliwa anavwe avi, agali kalivo udowile alaleya?

Tchoira zela mutu uli watene unamuroromela, Kiristu gunakwiha makalelo ofuna kala pama muwari mwa malamulo.