Popular Bible Verses from Roma 1

Share

Muwari molaleya Muselu Wapama, kannanyaswa tchoira Muselu Wapama unafwanyeya agali kopolo Mulugu unaavulusana liye atu atene anne anamuroromela Yesu, roma aJudewu fiyeda atu ohokala aJudewu.

Muselu Wapama gunawanda oneyiha makalelo okala wapama vamentoni va Mulugu. Makaleluwa ti nroromelo bahi, maromelo ante magomelo. Kalaga nnga ilrembiwe mMazuni ira: <<Ule uli wapama unokana ingumi mowenda na nroromelo.>>

Mulugu nkalelo unna liye kanaoneya na meso mbwenye unaoneya pama mwa jengo jipandutchile liye. Tchoira kuma vapandutchile Mulugu ilambo yatene, mutu aing'ana jopandutcha japandutchile liye unoiziwa ira Mulugu gwa ibaribari eto gwa kopolo dohogoma. Eto muwari moiziwa ejo, aliwa Mulugu kinambalra. Nona kohomala gwana mulandu.

Tchoira atu a wanle muwari moiziwa ira Mulugu ukalawo, tchafunne mutitimiha nne mutamalelana zela jejo jaavahile liye. Mbwenye kohoroma umbuwela jengo johokala ejo. Uzimora wanna atu mmirimani mwewa wohodowave sogolro.

Mulugu aatongele atwale eno mwasiwa kohotchindja ibaribari yaye ira kaharege jonama, aliwa roma tamalelaga jengo jopandutchiwa hiya mutamalela Namapandutcha wenno unafuna tamaleliwa kala no kala! Ame!

Eto malambwala takaleliwa wohokala wa masika wa Mulugu okumela zulu unooneyihiwa zela jotakala na jabure jinera atu. Muwari moirana jotakala mule, anakoya ibaribari ira afwiwa kahaiziwege.

Na mwasa wenno Mulugu ohatonga atwale ira kairegenave jotakala jafuna atu irana. Pa evale varomile atu tchindja ibaribari yoira mulombwana inafwanela agumanege na muhiyanaye. Aliwa funaga jengo johofwanela, muhiyana mugonihaga muhiyana nfwaye, eto alombwana roma haraga jofuna jiwa, aliwa iragana ja manyazo, mulombwana mugonihaga mulombwana nfwaye. Goma uwa zela jabure jaira atu, kohotambilra ubure wofwanela zela ubure waira atu, aliwa vinonga maningwiwa. Muwari mokonda ira Mulugu ukalawo, evale Mulugu ohononga zelru dewa ira kairegena jengo johofwanela.

Kaviona ira nili atu a toto eto aliwa sanduwa kala azimora. Aliwa kohiya mutitimiha Mulugu wa ibaribari, Mulugu ohowanda kwa, aliwa tchindja ira katitimihege jengo jokwa jene, vikwamutu josema, jengo jasakannye atu jofwalrafwana na atu, mbalrame, vinyama, jomburunuwa vati, aliwa aya titimihaga ejo.