Popular Bible Verses from Filipo 4

Share

Kamukukumuwe zela yengo ili yatene. So muwari mwa jatene, munvwihege Mulugu jatene jinafuna nyo. Ku wonga inafwanela mulobelege, munvepaga muwari momutamalela.

Mwairana eno, murendele wa Mulugu wenno unakwaranya onelramo wehu unolaba ira mmirimani mwenyu na joumbuwela jenyu jikale japama jene muwari mwa Yesu Kiristu.

Yengo yogomiheda inafuna miyo dukokomezeni nyo abalaga, nnafuna ira muumbuwelege jengo japama. Inafwanela muumbuwelege jengo ja ibaribari, jofwanela, jokwakwanela, jotchena, jofwanela ziveliwiwa, jofwanela rumeliwa, malringana ili yatene inafwanyeya yagali yapama, yofwanela teteliwa, muumbuwelege ejo.

Miyo nnowanda irana jengo jatene muwari mwa wenno unadilimbiha.

Miyo nnoukokomezani ira muhagalalege muwari mwa Nabwiya ora ili yatene. Miyo nnafuna diwonge akoka ira inafwanela muhagalalege.

Mulugu waga unouvahanimo rayela wohokala wa masika unna liye ira mukayena jatene jofuneya muwari mwa Yesu Kiristu.

Inafwanela muiregena jatene jufundjihileni miyo eto inafwanela muiregena jengo jatene duvahedileni miyo eto jatene jivwile nyo na miyo eto jatene jidionnena nyo diiragana. Mwairana jatene ejo, Mulugu wenno unavaha murendele unousogolrelrani.

Inafwanela eto muwendege na makalelo ira atu atene kauonani na makalelo munaira nyo, kaiziwe ira muli atu opwaseya. Nabwiya uli vakwikwive.

Dihimala fundja yenno atu adjindji yahaiziwile atu. Dihiiziwa makalelo opwaseya tempu inakana miyo jengo nari tempu yahanakana miyo jengo nari tempu inarayela miyo nari tempu inasimela miyo, nari tempu inakana miyo jodja pwi nari muwari mwa tempu inakana miyo ndala.

Miyo para wonga mazu anna, kahi ira dire segedeya. Mwasiwa dihimala fundja makalelo opwaseya muwari mwa jatene jinadifwanya.