Popular Bible Verses from Jozuwe 1

Share

Uumbuwelege ira durumile ira ukale olimba kopolo eto ukale olimba murima! Kukayena ova eto kurendjeye, mwasiwa miyo Yehova Mulugu wawo, nnakalege na weyo watene wene unayege we.>>

Weyo kuhiye wonga zela jengo jinafwanyeya mulivuruni mwa malamulo. Inafwanela ntana na mahiyu uumbuwelege jengo jinafwanyeya mulivuruni mu ira uwandege harihamo na makalelo apama jatene jilrembiwe emu. Era eno jengo jawo jatene jinerege wenda pama eto unerege dowa sogolro na makalelo apama.

So weyo ukale olimba kopolo eto ukale olimba murima pama. Uing'anele pama ira uharihemo malamulo matene namalaba waga Mozeji uurumile liye. Kuperuwe nne para muwononi odjana nne para muwononi oromana ira jawo juwendele pama mwatene mwene munayege we.

Kalawo wawo watene unoagondjiha amwidanawo atene anafuna wana na weyo. Miyo nnakalave na weyo na makalelo nnga dali miyo na Mozeji. Miyo kadiza duhiya, nne kadiza dunyanyala.

Ukale olimba kopolo eto ukale olimba murima mwasiwa weyo unoza waasogolrelre atwala ira kavahiwe ilambo yenno ilumbenle miyo na makolo ewa ira daavahe.

Miyo dihimala uvahani ilambo yatene yenno munanyingale nyo nnga mwemo mwawongele miyo na mulombwana Mozeji.

ira: <<Namalaba waga Mozeji umala kwa. Nona inafwanela uvenye na aIzarayeli atene ala, mulambuwe muhindje Jordawu, mufiye ilambo yenno inaavaha miyo Ana Izarayeli.

Mozeji, namalaba wa Yehova agakwile, Yehova ohowonga na Mozeji sempurwaye, Jozuwe mwana Numi

Ilambo yenno inafuna miyo uvahani madilriwa anafuna karome pandi ya muisalesaleni dowa ante mwango dinaitaniwa Libano ante dowa muhindje mulukulu wa Eufarati vamohi na ilambo yatene yenno inakala aEti, dowa ante bara Mediteraniyo pandi ya mavirelo wa nzuwa.

Mbwenye mutu wenne unarunihe nlamulo nenyu eto ahavwelelaga jowonga jenyu mwa jatene jinamurume nyo, mutu wenno unopiwa. So nyo inafwanela mukale olimba kopolo eto mukale olimba murima.>>

<<Mudowe mwavirege mmisasani muwari mwa aIzarayeli, mwaarume atu atene ira: <Musakanye jodja jenyu mwasiwa muwari mwa malambo mararu munovenya ira mulambuwe muhindje Jordawu ira muvolowe, mutukule ilambo yenno inafuna uvahani Yehova Mulugu wenyu ira ikale yenyu.> >>