Popular Bible Verses from Juwawu 19

Share

Evale Yesu agang'wile vinyule ohoira: <<Jatene jihikwakwanela!>> Liye oramiheda murwaye vati, liye velela muzimu waye.

Jagaireyile enne, Yesu ohoona ira jatene johomala. Mwa enne ira akwakwanelihede jejo jinafwanyeya mMazuni, ohowongaga, liye ira: <<Dihikana ntona.>>

Yesu agamuonne mmaye ule agali vevale na namamuharaye wenno asimbwetcha liye muziveliwa, ohomuwongana mmayele eraga: <<Kaing'ana, mwanawo gwenno.>> Eto evale Yesu ohowonga na namamuharaye asimbwetcha liye muziveliwa ule eraga: <<Kaing'ana, mmawo gwenno.>> Kuma siku nenne dowaga sogolro namamuhara ule ohomutukulaga Yesu mmayele, liye mudowagana vande vaye.

Mbwenye kagafiyile vali Yesu, kanfwannye agakwile, mwa enne mendo daye tchakotonle. Noira eno, munyakondo mmohi ohotukulaga mwanango, liye mulata Yesu ikukuru imohi ya mbaru. Vamulatile liye vohokuma sangiri na mahindje.

Tchoira jatene ejo johoireya ira jikwakwanelihede jejo jilrembiwe mMazuni ira: <<Nne nikuva naye nimohi kannakotoliwa.>> MMazuni eto muhulrembiwa ira: <<Anoza kamuone mutu wenno kamulatile atu.>>

Evale aliwa kohomutukulihaga Yesu muradi, aliwa mudowagana nimburo neno naitaniwa Nigaragazu. Na iwongelo ya iEberewu nimburo nne nnaitaniwa Gologota.

Evale anyakondwale koholuwaga kara ya minga, aliwa muhela vamuru vaye. Kagamanle, aliwa tukula bata ya usalru wapama wa kore ya musuzu wa bwanda, aliwa muwariha.