Popular Bible Verses from Izaiya 9

Share

Tchoira ukala mwana ubaliwe ira nione upama wehu. Ukala mwanapongwe urumiwe wa hiyo. Utongi uli vanifudini vaye. Liye nzina naye unaitaniwege Namawelruza Otikiniha, Mulugu wa Kopolo, Baba wa Mukalakala, Musogolrelri wa Murendele.

Atu anno wanle kawendetcha muisini, peno kohoona moneya ulukulu. Ale kafwanyeya munfulrini mwa ukwa, moneya umala afwanya.

Ulukula wa utongi waye na murendele kunakana goma uwa. Unoza atonge vampandoni va umwene wa Davi. Unoza avenyihe eto agarateyihe umwene waye, muwari motonga mwa ibaribari eto muwari mwa upama, roma tempu yenno ante dowa sogolro kala no kala. Yehova unoirana jatene eji na mwasa wa sandje yaye.

Tchoira sapato datene da anyakondo kadowa kondoni, eto jowara jatene jodugudela na sangiri, jinoza jitumeyiwe na munlo nnga kuni.

Mbwenye atu anne wanle kakumbanyetcha, kiza kakalave muisini. Malambo a mundulrimu Yehova ohosakanya ira ilambo ya Zebuloni na Nafitali dilramwisiwe. Mbwenye malambo ogomiheda, kuma ndila yodowa bara ante ilambo inafwanyeya kombela ya Jordawu, ku wonga Galileya wewo unakala atu a malogo ohiyana-hiyana, Yehova unoza aisandutche ira ikale ilambo yorihediwa.

Nyo Yehova muindjiviha nlogo nenyu. Muindjiviha hagalala wa atu enyu. Aliwa anahagalala vamentoni venyu, nnga hagalala unakana atu tempu yohanda, eto nnga hagalala unakana atu ogana jawakile atu amwidaniwa.

Mwasiwa nyo muhumala kotola nigologolo neno naanyemeletcha, eto muhukotola golromondo dedo daakometchana atu, eto muhukotola iwaxuwaxu ya aliba aoniha goyi, nnga mwairile nyo mwaagondjihaga akuda Midiyani.