Popular Bible Verses from Izaiya 53

Share

Mbwenye liye oholatiwa na mwasa wa jodawa jehu eto ohobubudiwa na mwasa wa joviringaniha jehu. Liye ohowatchela tongiwa ira hiyo nikayena murendele. Eto mozela vilonda daye hiyo nihiwanda vulumuwa.

Hiyo atene nohomala dimela nnga mabila. Kada mutu aviwendela ndila yaye eka. Pa evale Yehova amupwatelihile liye jotega jehu.

Na ibaribari liye ohotukula makatamiho ehu eto ohopwatela kumbanya wehu. Mbwenye hiyo namuona nnga unamukoma eto unambubuda eto unamuoniha goyi gu Mulugu.

Ali mutu olramwisiwa eto ali okondiwa na atu. Liye ali mutu oona goyi eto ali mutu oiziwa ona jopa. Ali nnga mutu wenno atu anamuona atu amala katawihaga kove diwa. Oholramwisiwa eto nne hiyo kanimbalrile.

Atu kohomuzuzumiha eto kohomuoniha goyi mbwenye liye kawongileve yengo. Na makalelo anakala mwana nibila nadowaga mapiwelo eto nnga mwana nibila nasatiwaga nnokala pee, na liyene ereve kala omiyalene.

Tchoira Yehova gwafunile ira amufinye, na ibaribari Yehova gunvahile kumbanya. Liye ohovelela ingumi yaye ira ikale mukuto omaliha mulandu. Na mwasa wenno, liye unokala nikolo na ahimaye a musogolro eto malambo aye anoza kawendjediwe eto jofuna ja Yehova jinerege ireya muwari mwa liye.

Mwasiwa Yehova ohomutwanyuwiha namalaba waye nnga yomela yapwetaga vati va teya youmma. Namalabaye ule azaga kaanna makalelo apama owu kove yapama ira hiyo nimuing'anege. Eto nne hiyo namuing'anaga kaanna makalelo oriya ira hiyo ninfunege.

Na mwasa wenno miyo nnonvaha rihediwa wewo unafwanyeyana andimuwa andimuwa amohiwa. Liye vamohi na atu a kopolo anerege gaana jengo jaawakile atu amwidani kondoni. Tchoira liye ohovelela ingumi yaye, liye fiyeda piwa eto kohomuirela makalelo abure nnga mutu oviringana. Liye ohopwatela jotega ja atu adjindji eto unaalobelela atu okonda tongiwa ira kaleveleliwe.

Goyi daye datene dagamanle, unoza akayena ziveliwa muwari moiziwa ira goyi dile dohokana mpindu wapamene. Tchoira namalabagole unoza apwatele jotega ja atu adjindji ira atu kakale pama.

Kohomuhinda mwa uwali, kammangaga mulandu ira apiwe. Mbwenye muwari mwa atu afwaye, kalivo ambalra. Liye ohokumihiwa mwilamboni mwa atu okalawo, ohoonihiwa goyi na mwasa wa jotega ja atwaga.

Zela makoyiwelo aye, akoyiwe vamohi na atu otakala eto vamohi na atu orayela. Jatene ejo johomuireyela, masiki liye ahairilenave yengo yohokala pama eto masiki muwano mwaye mwahakumileve yengo yonyenga.