Popular Bible Verses from Izaiya 35

Share

Atu owomboliwa a Yehova anoza kawele, kaze Siyawu kaimbaga, kaganna hagalala wohomala mmuruni mwiwa. Anoza kakayena teyela no hagalala. Kumbanya no dumbela unoza umale.

Mulimbihe manda ovuta. Mulimbihe mabodo ongurumela. Mwaawandele atene okana mirima doova ira: <<Limbihani murima, kamuove. Kaing'anani, Mulugu wenyu unoza ira aatonge amwidani enyu eto aawelihede kunyakunya. Unoza ira auvulumutcheni.>>

Wewo unoza ukale rampa nlukulu nnaitaniwa Rampa Notchena. Otega kiza kawendamo. Rampa niwa nnokala na atu a Mulugu aye bahi. Masiki mutu ahakayena zelru, ademula rampa neno kaza aholowa.

Vevo meso a aliba haona anoza kaone. Mabaru a aliba havwa anoza kahuleye.

Aliba topinya anoza kalupe nnga nase. Aliba hawonga anoza kaimbe mohagalala. Visime nnoza dibuwe mukokolani. Eto ana mihindje anerege wenda muwari mwa ilambo youmma.