Popular Bible Verses from Izaiya 30

Share

Vevo vanaperuwa nyo muholowaga muharaga muwononi odjana owu muwononi oromana, munoza muvwe mundulri mwenyu mazu otonyiheda ndila ira: <<Ndila ila. Muwendege emu.>>

Masiki eno Yehova ulive modediha ira auwendeleni sayi eto liye mofuna mwaye umala kozeya ira auwendeleni tangaranga. Tchoira Yehova gu Mulugu otonga mwa ibaribari. Orelihiwa banno anamudediha liye.

Tchoira Nabwiya Yehova, Mulugu Otchena wa Izarayeli unawonga ira: <<Mwarungunuwa eto mwavuma, munovulumuwa. Mwamiyala eto mwadinyindela, munokana kopolo.>> Mbwenye nyo kamwafunne eno.

Masiki Nabwiya audjiheni pawu ya makatamiho eto aung'wiheni mahindje ozuzumiha, masiki eno Namafundjiha wenyu kanavitalave mbwenye nyo munoza mmuone na meswinyu Namafundjiha wenyu.

Tchoira kohokalawo atu anafuna kala Siyawu eto muwari mwa Jeruzalemu. Nyo kamuza munlave. Mulugu unoza akayena sayi na nyo ora yenno inavwa liye nla wenyu. Ora imohive, unouwakulani.

Yehova unawonga ira: <<Udilu wa ahima okonda tongiwa! Anasakanya palano diwa okave dahali palano daga. Anasakanya yopangana yewa yahanna pandi na Munemba waga. Anadowa sogolro kaditegelagave.