Popular Bible Verses from Izaiya 26

Share

Nyo Yehova munaavaha murendele wa ibaribari atu anno anna murima ogarateya muwari mwa nyo, mwasiwa aliwa anounyindelani.

<<Mmuroromele Yehova kala no kala, tchoira Nabwiya Yehova unafwanyeya agali nibwe na mukalakala.

Murima waga watene unaufunani nyo na mahiyu, munemba waga uli muwari mwa miyo unaufunani nyo. Tchoira matongelo enyu kaoneya mwilamboni ya vati, atu atene anakalamo anofundja upama wenyu.

So Yehova, munivahe murendele. Mwasiwa jatene jinairana hiyo, unaniwandiha gu nyo.

Hiyo nnohara ndila ya matongelo enyu so Yehova, eto hiyo nnoudedihani nyo. Yofuna yokalawo yehu ti nzina nenyu, eto ku utulelani.

Ndila ya atu apama tchi ndila ili dedu. Nyo Mulugu wapama munowongola ndila ya atu apama.

Tchoira liye uhatitiha atu anno anafwanyeya mamburo otama, yenno ili sidadi ya zulu, liye agwiheda vati, agwihedaga vati vati, avokedaga tumbulruni.

Kahulani misuwo da sidadi ira malogo apama ororomeleya kavolowemo.