Popular Bible Verses from Efezo 1

Share

Mmirimani mwenyu muhuroma masuwa zela ja Mulugu. Miyo nnoulobelelani ira muwande iziwa pama pama yoing'anela yenno Mulugu iniitanele liye no rayela wapama wohokala wa masika unafuna nyo za kana vamohi na atu atene otchenihiwa eto muwande iziwa kopolo dohowanda pimeya da Mulugu dedo nnanikamihedana liye hiyo atu omuroromela. Liye alabilena kopolo dilukulu dedo anvenyihaga Kiristu mokwani ante dowa mugaratiha muwononi waye odjana, nimburo na utongi, ilambo ya zulu. Zulu uli liye, utongi ugaratilena liye ukwaranya utongi watene, umwene watene, kopolo datene, matongelo matene. Nzina naye eto ti nzina nokwaranya mazina matene anawongiwa tempu ili hiyo ila nari mazina anaza kawongiwe tempu inafuna za.

Ira nikayena mareliho anno, Mulugu anisakunlre romelave wanle ahanapandutche zulu na ilambo ya vati ira nikale atu otchenihiwa, atu ohokana yotega vamentoni vaye muwari mwa Yesu. Mulugu muwari monizivela, anisakunlre wanle ira muwari mwa Yesu Kiristu nibehediwe ira nikale ahimaye. Mulugu anisakunlre mofuna mwaye

Muwari mwa Yesu na sangiri naye, nihiwomboliwa. Muwari mowomboliwa, nihileveleliwa joviringaniha jehu. Jatene ejo jinazela mwa sayi dilukulu da Mulugu bahi

Otamaleliwa akale Mulugu, Baba wa Nabwiya wehu Yesu Kiristu! Mwasiwa muwari mwa Yesu, Mulugu umala nireliha anivahaga mareliho matene zela minemba dehu. Mareliho anno anafwanyeya ilambo ya zulu.