Popular Bible Verses from Detoronomiyo 28

Share

Mozeji ohowongagave eraga: <<Nyo mwavwelela pama mazu a Yehova Mulugu wenyu, muharihagamo muwari moing'ana pama malamulo matene anna nnauwandelani miyo peno, Yehova Mulugu wenyu unouhelani vazulu kwaranya malogo matene a mwilamboni ya vati.

Mwavwelela jiwongile Yehova Mulugu wenyu, mareliho anafuna za ufwanyani, ba ala

Nyo mwavwelelaga malamulo a Yehova, Mulugu wenyu anno nnauwandelani miyo peno eto muharihagamo muwari moing'ana pama, Yehova unerege uhelani ira mukale muru hiya kala mwila eto munerege kala vazulu hiya kalaga vati.

Yehova unohula zulu ira arumbwihege muzongwe tempu yapama para mmundani mwenyu eto unoreliha mabasa matene anahindege nyo na mandinyu. Nyo munerege aboliha jengo malogo madjindjene, mbwenye nyo kamuza muboliha yengo ya mutu.

Amwidaninyu kavenya ira kawane na nyo, Yehova unerege sakanya ira mwaagondjihege. Amwidani akala kohovenya ira kaze kawane na nyo, kazaga anerege hara ndila imohive. Mbwenye madowelo, katawaga anerege balaleya kaharaga ndila tanu na mbinli.

Yehova Mulugu wenyu unosakanya ira mukayena mareliho vatatani venyu vamohi na jatene jinalabege nyo na manda enyu eto unourelihani ilambo yenno inafuna liye uvahani.

Mwadowa unafuna nyo dowa, munerege relihiwa. Mwawelawo, munerege relihiwa.

Mulugu unourelihani muwari mwa sidadi denyu, na mmindani mwenyu.

Mulugu unourelihani ira mwaabalege ahima adjindji, unoreliha jolima ja mmundani mwenyu eto unoareliha ahima a jifuwo jenyu. Unoareliha ahima a ng'ombe dinyu vamohi na ahima a mabila enyu.

Nyo mwahariha malamulo a Yehova Mulugu wenyu wenyu eto mwaharaga ndila daye datene, Yehova unousakanyani ira mukale atwaye otchena nnga mwemo mulumbenle liye na nyo.

Migogoda denyu vamohi na kariko denyu nnorelihiwa.

Eto Yehova unourelihani muwari mouvahani ahima adjindji, jifuwo jidjindji na johanda jidjindji, muwari mwa ilambo yenno Yehova ulumbenle liye na makolo enyu ira auvaheni.

Eto atu atene a mwilamboni ya vati anoza kaone ira nyo munaitaniwa na nzina na Yehova eto anerege uovani.

Eto nne kamuhiye mazu matene anna nnauwandelani miyo peno, kamuholowe muroma haraga muwononi odjana nari muwononi oromana, nyo romaga ahara amilugu amohiwene ira mwaatamalelege aliwene.

<<Mbwenye mwaviringaniha mazu awongile Yehova Mulugu wenyu, mwahakale atu oharihamo muwari moing'ana pama malamulo na mangano a Yehova Mulugu anna anauwandelani miyo peno, matembelrelro anafuna za ufwanyani, ba ala