Popular Bible Verses from Daniyeli 6

Share

Evale mulombwana Daniyeli agaiziwile ira mwene uhumala asinari dugumento nne, liye ovenyaga, dowa kwartu yaye ya muzulu yenno yanna majanela ohulene kaing'anne pandi ya Jeruzalemu, liye dowa kokora na mabodo aye, liye lobelaga, amutamalelaga Mulugu waye va kada siku fendo taru nnga jeretchave liye malambo a mundulri.

Mulugu waga ohomuruma mungelro waye, liye za funga wanoni wa apodogoma. Aliwa kidiirele yabure ili yatene mwasiwa Mulugu kadifwannyena yabure vamentoni vaye. Eto nne vamentoni venyu, so mwene miyo kadisakanyile yabure ili yatene.>>

Miyo nnasakanya nlamulo naga ira mwatene munavira utongi wa umwene waga, atu kawande ngurumela eto kawandege muova Mulugu wa Daniyeli. Mwasiwa Mulugu wa Daniyeli gu Mulugu okalawo eto gwa mukalakala. Eto umwene waye kuza ubwanyuliwa eto utongi waye uneregeve dowa sogolro malambo a mukalakala! Liye unowombola eto unovulusa. Eto unowanda irana jitonyihedo na matikiniho zulu na ilambo ya vati. Gu liyene uwandile muwombola mulombwana Daniyeli mmandani mwa kopolo da apodogoma!>>

Mwa enne mwenole oharumaga atu, aliwa mudowela mulombwana Daniyeli. Agazile, kohomuhindaga, aliwa dowa nvokeda mmulihani mwali apodogoma. Noira eno, mwenole ohomuwandelaga Daniyeli eraga: <<Mulugu wawo wenno unamulaba we malambo matene, akale wenno unauvunele!>>