Popular Bible Verses from Daniyeli 2

Share

Liye ohomutamalelaga awongaga eraga: <<Nzina na Mulugu nitamaleliwe malambo matene a mukalakala. Mwasiwa toto na kopolo nnakumela wa liye. Liye unowanda tchindja matempu eto unowanda tchindja makalelo a ilambo. Unowanda abwanyula amwene, liye agweliha vampandoni atu amohiwa ira kakale amwene. Liyene gunawanda avaha toto atu a toto eto unowanda avaha onelramo atu anne anaonelramo. Liye unowanda oneyiha jengo jorutcha na jengo jokoyeya. Liye uhumala iziwa jatene jinafwanyeya muisini eto liye tempu yatene unawenda no wareya!

Daniyeli ohowakulaga, liye ira: <<Kalivo unawanda wonga yengo yokoyeya nnga munafuna nyo so mwene. Nne atu okana toto, nne aliba visangwisangwi, nne ang'anga okwima nne aliba ing'ana jomoneya ja zulu! Mbwenye ukalawo Mulugu mmohive bahi uli zulu, wenno unawanda iziwiha jengo jokoyeya. Mulugu wenno guuiziwihileni nyo so mwene Nabukodonozore jatene jinafuna za ireya malambo ogomiheda! Yoroha yenyu vakamani venyu na jengo jionne nyo mmuruni mwenyu ti ji.

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>