Popular Bible Verses from 1 Timoteyo 6

Share

Uwanege kondo yapama yozela irana ja nroromelo. Malambo a mundulrimu Mulugu uitana weyo ira ukayena ingumi yohomala eto weyo wohowanda rumela zela ingumi yenno vamentoni va amboni adjindji. Inafwanela uhidede pama ingumi yenno.

Tchoira nipara na jotega jidjindji ku ziveliwa kobiri. Muwari mofuna ja kobiri, kohokalawo atu kahiyile ibaribari zela Yesu, aliwa mala viporotcha, kavivahaga makatamiho madjindji.

Ule unairana jofuna ja Mulugu eto agalive oziveliwene zela kana unna liye, mutu wenno mbwenye gunna rayela wa ibaribari.

Tchoira nizaga mwilamboni ya vati, nibaliwaga, kanibaliwena yengo. Eto nakwaga, kannadowanave yengo.

Waawandele atu okana jokana jiwa ja mwilamboni ya vati muno ira kahavitukulele eto kaharoromelege jorayela jewa. Mwasiwa jorayela ja ilambo ya vati kajinaroromeleya. Mbwenye mutu orayela amuroromeleve Mulugu wenno unanivaha jengo pwi na manda menli ira niwande ziveliwa.

Atu anne anafuna kana jorayela ja ilambo ya vati banagwa motegani, banavimangana ngohi, banakana jofuna jabure johokala pama. Jofuna ejo jinoazelana nongeya no tolowa.

Inafwanela aliba rayela kairegena japama, kakale orayela zela irana jengo japama, kaavahege atu jengo na manda menli eto kakale okozeyene ira kameyewo jokana jiwa, kaakamihedegena afwiwa. Kera eno, anakoyela jorayela ira kadowe kafwanye rayela wewa sogolro, kafwanye ingumi yenno ili ingumi ya ibaribari.