Popular Bible Verses from 1 Timoteyo 2

Share

Uliwo Mulugu mmohive bahi eto uliwo maliba niwandaniha mmohive bahi vari va hiyo atu na Mulugu, wenno unafwanyeya agali mutu, Yesu Kiristu. Tempu yafunne Mulugu yagakwakwanne, Yesu guvivelenle ira aawombole atu atene ira akale umboni zela vulusiwa.

Yengo yoroma nnafuna miyo ukokomezani pama pama tchoira inafwanela munvepege Mulugu zela atu atene. Mwaalobelelege eto munvepege Mulugu zela aliwa eto mmutamalelege Mulugu zela jatene jinaira liye muwari mwa aliwa atene. Eto muwandege alobelela amwene na anamatonga atene okana izo ira kawandege nivaha tempu ira niwendege mwilamboni ya vati pama na murendele, mopwaseya, moirana jofuna ja Mulugu, mokana makalelo ofwanela muwari mwa jatene.

Miyo nnafuna ira alombwana kalobelege nimburo nili natene kagavenyihedile manda otchena zulu. Eto kilobelege muwari mojamo, nne muwari mokangana. Eto zela pandi ya ahiyana, inafwanela muhiyana aware jowara japama, avikunelena jowara jofwanela, aganna makalelo oviwendiha pama, hiya luwa nsisi naye, wara ja oru na mabwe ofuneyetchetcha na ja peresu yokwima. Mbwenye muhiyana unawonga ira unafuna ja Mulugu, inafwanela aoniwena joira japama.