Popular Bible Verses from 1 Samuweli 19

Share

Siku nimohi Sawuli ohomuwandela mwanaye Jonata vamohi na asogolrelri aye atene ira: <<Miyo nnafuna mudowe mwampe Davi!>> Mbwenye voira mulombwana Jonata omuziveliwetchetcha Davi, ohomaruwaga, liye dowa muwandela mulombwana Davi ira: <<Eni baba unafuna aupe. Nona inafwanela weyo metchelo uvenye muwari mozemba na mabebehene, udowe wavitale nimburo nohooneya na atu.

Siku nimohi niwa, Sawuli agali ogaratene mmba mwaye agahidedile mwanango mmandani mwaye, Yehova ohomurumaga munemba wabure, liye muzela akoka. Mwa enne Davi ohotukulaga arpa waye, liye imbaga. Evale Sawuli ohonvokagana Davi mwanango wenne ahidedile liye mmandani mwaye mule ira amulatena, amuwambe na ntchihi. Mbwenye Davi ohorambaga. Evale mwanangole adowilege lata vantchihini. Nomala eno, mahiyu amohive anne Davi ohovuluwaga, liye tawela vande vaye.