Popular Bible Verses from 1 Korinto 15

Share

Nona nyo abalaga anauziveliwani miyo, mukale olimbene eto mukale oimelene pama. Inafwanela musimbwege irana mabasa a Nabwiya muwari moiziwa ira mabasa analaba hiyo muwari mwa Nabwiya kannalabela vasayi.

Mulugu mbwenye atamaleliwe mwasiwa uwanda muruma Nabwiya wehu Yesu Kiristu ira anivahe kopolo dowanda gondjiha ukwa.

Nyo kamunyengiwe. Wandana wabure unononga mawendelo apama.

Miyo malambwala makalelo anna miyo kazenle muwari mwa sayi da Mulugu. Sayi diwa udivahile Mulugu kadivahiwe vasayi vene mbwenye dihilabana mabasa akwaranya anamarumiwa afwaga atene. Dawongaga eno eto, kannawongela ira miyo mabasa anno dilabile na kopolo daga, mbwenye diwandile laba muwari mwa sayi da Mulugu bahi.

We Ukwa, kodi gondjiha wawo uli waani? We Ukwa, kodi luma wawo ugomele vavi?>> Ukwa mbwenye unawanda muluma mutu wenne unafwanyeya na jotega. Tega ule kopolo daye nnazela muwari mwa malamulo.

Kavwani pama! Nnafuna duwandeleni yengo yokoyeya. Kahi hiyo atene muwari mwa Kiristu nnafuna gona gona wa ukwa, mbwenye hiyo atene nnoza nisandutchiwe. Jatene ejo jinaireya palraza yogomiheda yaza inla, na tempu ya vang'ono nnga kwapira wa meso. Tchoira palraza inoza ivweye, ale kakwile muwari mwa Kiristu anoza kavenye ira kavahiwe maningo ohowanda kwa. Eto hiyo niliwo mwilamboni, nnosanduwa ira nikayena maningo a makalelo mamohive.

Tchoira sawasawa nnga atu karomile kwa muwari mwa mabasa a mulombwana mmohi, atu anovenya mokwani muwari mwa mabasa a mulombwana mmohi. Tchoira sawasawa nnga atu atene anafwanyeya munikuruni mwa Adawu anokwa, atene anafwanyeya munikuruni mwa Kiristu anoza kakayena ingumi.

Tchoira inafuneya ira maningwala ovunda katukule makalelo ohowanda vunda eto maningwala okwene katukule makalelo ohowanda kwa.

Tchoira inafuneya liye atongege fiyeda mwezo oanyingala amwidanaye atene. Mwidani ogomiheda unafuna liye mutolotcha ku ukwa.