Popular Bible Verses from Matta 27

Share

Wakkati yamnde tati kiiral naange, Iisaa feekii feekaango toowngo, wi'i: — Eli, Eli, lama sabaktani? (Ɗum na fiirta «Laamɗo am, Laamɗo am! Ɗume saabii de njoppuɗaa kam?»)

Wakkati oon, lefol paliingol ley suudu dewal mawndu ngool seekii gilla dow faa ley, laatii taƴe ɗiɗi. Leydi dimmbii, kaaƴe ceekii. Caabeeje udditii, de seniiɓe maaynooɓe heewɓe iirtii.

Caggal ɗuum, Iisaa feekii feekaango toowngo katin, de yoofi yonki muuɗum.

Sordaasiiɓe doomuɓe Iisaa ɓeen e hooreejo muɓɓen nji'ii no leydi dimmborii e ko waɗi ɗuum fuu. Ɓe kuli sanne, ɓe mbi'i: — Si goonga ni, o wo Ɓii Laamɗo!

Gilla hakkunde naange, nimre waɗi e leydi fuu faa wakkati yamnde tati kiiral naange.

Pilaatu ƴami ɓe, wi'i: — Ndelle, noy ngaɗammi Iisaa bi'eteeɗo Almasiihu oon? Ɓe fuu ɓe njaabii, ɓe mbi'i: — Tontu mo e leggal palaangal! O ƴami ɓe, o wi'i: — Ɗume o waɗi ko boni? De ɓe ɓeydi ƴeewnaade semmbe, iɓe mbi'a: — Tontu mo e leggal palaangal!