Popular Bible Verses from Esaaya 51

Share

Ayyo, miin, miin tan woni baaltinoowo ɓerɗe mooɗon. Wo a moy de kulɗaa tagaaɗo maayoowo, ɓii-Aadama mo timmoode muuɗum nanndi e huɗo?

Mi wattii konngol am e hunnduko maaɗa de cuuɗirmi ma e ɗoogi junngo am, wakkati mbertannoomi kammu e nde njoƴƴinannoomi leydi ndeen. Ndeen mbiimi jooɗiiɓe Siyona: Wo on yimɓe am.

Kettinanee kam, onon annduɓe ko fonnditii, onon tiigiiɓe jamirooje am ley ɓerɗe mooɗon! Taa kulee jalnorgal ɓiɓɓe-Aadama, taa nesi mooɗon taƴa saabe jennooje muɓɓen.

Noon Joomiraaɗo yurmortoo galluure Siyona. O yurmoto bille muuɗum ɗeen fuu. O waɗan ladde muuɗum yoornde ndeen laatoo hono ngesa Eden. Naɗɗol muuɗum njoorngol ngool du hono sardiŋe Joomiraaɗo. Seyo e mbelɗum tawetee ley mayre, manooje e jimi njettooje nanete e mayre.

Ɓe Joomiraaɗo rimɗini ɓeen ngartan, ɓe njottodoto Siyona e ilinaali seyo. Seyo duumiingo laatoto pilkol dow ko'e maɓɓe. Mbelɗum e seyo kawran e maɓɓe. Ndeen mettorgal e uumaali fuu ndoggan mboɗɗoo ɓe.