Popular Bible Verses from Esaaya 45

Share

Mi hokkete jawdi ndesaandi, jawdi cuuɗaandi faa paamaa wo miin Joomiraaɗo noddirte e innde maaɗa. Wo miin woni Laamɗo Israa'iila.

Miin e hoore am mi ardete, mi hoynante laawol maaɗa, mi helan gampuuje njamndi mboɗeeri, mi heltoto cabbi njamndi ɓaleeri.

Miin woni Joomiraaɗo, goɗɗo fuu walaa. Laamɗo goɗɗo walaa si wanaa miin. Mi segilake ma faa njaaloɗaa ley wolde, fay ko a anndaano kam ɗuum fu. Noon waɗata faa faamee gilla puɗal naange faa yaade caamal muuɗum, faa'e walaa si wanaa miin. Miin woni Joomiraaɗo, goɗɗo fuu walaa.

Miin tagi annoora, miin waɗi nimre. Miin hokkata jam, miin waddata bone. Wo miin Joomiraaɗo woni gaɗoowo ɗum ɗum fuu.

Onon jooɗiiɓe faa keerol leydi, njeccee to am de kison! Sabo miin woni Laamɗo, goɗɗo fuu walaa.

Inan ko Joomiraaɗo wi'i dow mo suɓii oon, dow Sirus mo ardoriimi semmbe faa mi yaaɓa lenyi yeeso muuɗum, mi haɓɓita kaɓɓorɗi kaanankooɓe, mi omta dammbuɗe yeeso muuɗum, de dammbuɗe galluuje keddoo na mbeeɗii.

Mi hunorake innde am konngol am ngool wo ponnditiingol, konngol ngol yeddataake abada: Koppi fuu ndikkinto yeeso am, ɗemle fuu kunorto innde am.

Saabe Yaakuuba maccuɗo am, e Israa'iila cuɓaaɗo am, de noddirmi ma e innde maaɗa, kokkumi ma innde mawnde, fay ko a anndaano kam ɗuum fu.