Popular Bible Verses from Esaaya 30

Share

Wakkati on anndaa yalla nyaamo ndewoton naa nano ndeen, noppi mon nanan daande gaɗa mooɗon na wi'a: Inan laawol, njokkee ngol!

Saabe ɗuum de Joomiraaɗo na heɗii faa waɗana on moƴƴere. O ummake faa o yurmoo on. Sabo Joomiraaɗo wo Laamɗo ponnditiiɗo. Barke woodanii heɗiiɓe moƴƴere makko ɓeen fuu.

Sabo inan ko Laamɗo Joomiraaɗo, Ceniiɗo Israa'iila oon wi'i: Si on njeccake to am e hakkillo fukkiingo fu, on keɓan kisindam. Wo e hakkillo fukkiingo e hoolaade kam keɓirton semmbe. Ammaa on njaɓay ɗum!

Joomiraaɗo hokkan on nyaamdu ley ɓillaare e ndiyam ley tiiɗalla. Jooma oon woɗɗataako ma katin. A yi'iran mo e gite maaɗa.

Sabo lenyol jooɗoto Siyona ley Urusaliima katin. Goonga, a woyataa katin. O waɗante hinney si a wullitake to makko. Nde o nani fu, o jaabete.

Joomiraaɗo haali wi'i: Bone woodanii ɓiɓɓe muurtuɓe! Iɓe ndaba dabareeji ɗi ƴuuraay to am. Iɓe ngaɗa amaanaaji ɗi ƴuuraay e ruuhu am faa ɓe ɓeyda hakke dow hakke.