Popular Bible Verses from Baloma 8

Share

Kami tukulimuka ngayi Nyambi, mu byuma nimwabyo ukutendabyo shiwahe kukwabo ba kumuhaka, kukwabo banehaniwi ngo shifungo shendi.

Ndaba nakashuku ngayi kowa shikatutapulula ku shishemo sha Nyambi. Hinge lufu, hinge wumi, hinge mangeloyi, hinge batulela, hinge byuma biliko, hinge byuma bikeza, hinge bya ngovu byamina. Hinge wutali wakuya muyilu, hinge kunonka, hinge bya hano hanci, hinge shibumbwabumbwa shamina sha kulengiwa, bifwako kutwesha kututapulula ku shishemo sha Nyambi, eshe tuli nasho muli Yeshu Kilishitu Mwene wetu.

Nahiyo Moyo kami ukutuyavwa mu kupopa kwetu, ndaba kulimuka ebye tuku fwanina kulombela tufwako, ngoboni Moyo ukutuyavwa kulombela na ku shunga kwakubula kutwesha kwambiwa.

Kati tukamba bishini ku byuma ebye? Ndi Nyambi unatwimanini, yani ukutwesha kutulwisha?

Nohobene kowa kuyatiwa kukwabo bali muli Yeshu Kilishitu, aba bakubula kwenda mu biheka bya wuntu.

Ndaba kulifulankana bya wuntu kukuleta lufu, ngoboni kulifulankana bya Moyo kukuleta wumi na ku mwena.

Ngoboni, mu byuma nimwabyo ebye tunakupitakana kupitila mumwendi watuhakile.

Nikuhanganika ngayi makando a shikati shino afwako kutwesha kulyezeka na wuwahe ou Nyambi akamonekeshe kukwetu.

Yani ukatutapulula ku shishemo sha Kilishitu? Kampe makalikiza, hinge malwa, hinge byezeko, hinge nzala, hinge wuvwu, hinge malamo, hinge lufu ndi?

Kami Nyambi uku mona bili mu mitima ya bantu, ukulimuka bihanganiko bya Moyo, ndaba Moyo ukulombelela bakakwitabila ngo shamutima wa Nyambi.

Nimwabo aba ba kutwamininiwa na Moyo, banengi bana ba Nyambi.

Ndaba nibo ba kutenda biheka bya wuntu bakulifulankana byuma bya wuntu, ngoboni nibo bakwenda mu biheka bya Moyo bakulifulankana byuma bya Moyo.

Niye wabulile kukanisha Mwanendi, ngoboni wamutupwile ndaba yetu nimwetu, pe ukabula nahiti kutupanika hamo nendi byuma nimwabyo?

Moyo wa Nyambi niwo ukutupaka ngayi tuli bana ba Nyambi. Ndi tuli bana ba Nyambi, tukatambula likona hamo na bantu anawahishili. Pe tukakona hamo na Kilishitu, ndaba ngayi ndi tukuyanda na Kilishitu, tukatambula likona hamo nendi.

Ndaba bakakulifulankana bya wuntu benga bamalamo kuli Nyambi, bantu banoho bafwako kwombatala ndayano za Nyambi, mwa shikuma kutwesha kuzombatala bafwako.

Ebye byalengiwa nimwabyo bina kutatilila ngayi Nyambi aholole bana bendi.

Tukulimuka ngayi kukuma na shikati shino byalengiwa nimwabyo bili na ku shunga hamo na kuyuvwa makando, makando akulifweka na shikati sha mbuyama oho akushampuluka.