Popular Bible Verses from Ezekiyele 33

Share

Batongweze ngayi, ‘Mwa shikuma ngonehe Ami Nyambi ya Ngula nayoya kaliha nawahililanga na lufu lwa muntu ukutenda wubi ngoboni nashinganga ngayi atenguluke, mwanga afume ku wubi pe ayoye. Tengulukenu! Tengulukenu fumenu ku zinzila zazibi! Kati ndabangani mu kufwila enu baka litala lya Ishalela?’

“Obe mwana muntu haya nakuyakakale kwinga mukakulama bantu nimwabo ba Ishalela. Obe ukakumisha kukwabo ebye nimwabyo nikakutongweza bya ku bashiwulula.

Ngoboni ndi obe ukwambila muntu ha wubi wendi pe niye ha kubula kuleha kutenda byabibi, uya muntu ukafwa ndaba ya wubi wendi, ngoboni obe ukalipulwisha obe mwine.”

Ngoboni ndi mukakulama uku mona bakankole hibeza pe niye ha kubula ku shiba mpandula kutoshesha bantu, bakankole bakeza na kuziha baya bantu ndaba ya wubi wawuya mukakulama. Pe ami nikapana mulandu ku mukakulama ha lufu lwa baya bantu.

Niye mwine unalishingili lufu lwendi, ndaba shilolo atwale mutima wendi kukushiwululiwa. Shinga wayakileko mutima shinga wapulukile.