Popular Bible Verses from Kututika 32

Share

Oho bantu bamonene ngayi Moshesha wekalile shikati shashitali ku lipili na kubula kukunkuluka ku nceto, balikungwile hamo kuli Aloni pe bambile kukwendi ngayi, “Kulimuka tufwako ebye binezilili ou mulume Moshesha, ou watututwishile mu Engepita. Nohobene haya tutendele nyambi wakututwaminina.”

Nyambi ya Ngula wambile kuli Moshesha ngayi, “Nyankupa na kukunkulukila ku nceto ya lipili, ndaba bantu bobe aba wafumishile mu litunga lya Engepita banabipishi, pe banankana. Baishalela bashanukakale mu nzila iya nabatongwezele kwendamo, banalitendele nkunzi wa ngolinde ya kuyungulula, banamulemeshe na kukombelela nkombela kukwendi. Pe bali na kwamba ngayi ou nengi nyambi yabo, ou wabatutwishile mu Engepita.”

Oho Aloni amonene eshe wazikile kaala kumbili ya nkunzi wa ngolinde. Niho abilikile ngayi, “Zona kukekala shimbo sha kulemeeka Nyambi ya Ngula.” Oho kwashile lumenemene baletele bimuna bimo mu kubihokesha kwinga nkombela na byamina byakulya kwinga ntupu ya kulilumikila. Bantu bekalile hanci na kulya na kunwa, niho bakatukile, pe bashindile.

Oho kwashile Moshesha wambile ku bantu ngayi, “Munabipishi shikuma. Ngoboni haya nikukandama ku lipili kuli Nyambi ya Ngula, kampe nikamyambwilila ku wubi wenu.”