Popular Bible Verses from Kututika 15

Share

wambile ngayi, “Ndi mukanyombatala shiwahewahe na kutenda ebye nikuhanganika ngayi byabiwahe na kwenda mu zintambo zami na kulama ndayano zami, kukamishushula nifwako na malweli awa naletele ha Baengepita, ndaba Ami nenga Nyambi ya Ngula, ou wamipoleshanga.”

Nyambi ya Ngula nengi shipata shami sha ngovu, kami niye lwimbo lwami, unengi kupulwisha kwami. Unengi Nyambi yami, haya nikamuyemeza, wenga Nyambi ya batate, nikamulemesha ha wunene wendi.

“Obe Nyambi ya Ngula, yani wakulifweka na nobe mukati ka banyambi bowa? Yani wakulifweka na nobe, wamunene mu kuyela? Yani ukutwesha kwikala na wulemu, ngo obe ha kutenda bikomokesho na milimo ya ngovu?

Obe wenga wakulunga kukulimama kwobe, wendeshele bantu bobe aba wakulizile, na shishemo shobe sha mwaya myaka, Wabendeshele na kubakumisha, ku munzi wobe wa kuyela na nyala zobe.

Niho bakumine ku mbalila yatumbiwile ngayi Mala. Ngoboni mema akuyo engile amalulu, kaliha batweshele ku nwawo. Nisho shuma batumbilile uya mwanya ngayi Mala. Pe bantu balinyengelele kuli Moshesha, kami bepwile ngayi, “Hayaboni tukunwa bishini?” Niho Moshesha alombelele kuli Nyambi ya Ngula shikuma, pe Nyambi ya Ngula wamumoneshele shivutu sha mutondo, washiyumbilile mu mema, pe mema afutukile amawahe. Kuyo niko Nyambi ya Ngula atatikile lukuwa na bifundizizo bya kuyoya nabyo. Pe kuyo kami niko abezekelele