Popular Bible Verses from Kututika 12

Share

“Ha wushiku wuyo nikapita mu litunga lya Engepita, pe nikaziha bamyeli nimwabo babalume mu litunga, wubili wabo bantu na bimuna. Nikashushula banyambi nimwabo bamu Engepita. Ami Nyambi ya Ngula, mukeza ukenga shilimukisho sha ku matala wenu kwinga shilimukisho ku matala omu mwekalanga. Oho nikamona mukeza nikamipitilila, pe kukamilemeka nifwako oho nikashushula Baengepita.

“Mukalame mutena wuno. Wukenga wakumyanukishanga shimbo sha kulemeeka Nyambi ya Ngula. Mukalamanga kufundiziziwa ha kupinga shimbo shino ku bihemunwino byenu nimwabyo, mu kumyanukisha eshe natendele.”

Oho bana benu bakamipula ngayi, shino Shimbo shikutontolola bishini? Mukabatongweze ngayi, ‘Eshe shinengi nkombela ya kwanuka Kupitilila kwa Nyambi ya Ngula na kumulemeeka, ndaba wazihile Baengepita ngoboni etu watutetelelele.’” Baishalela bafunkamine hanci na kulemesha.