Popular Bible Verses from Ndanyele 3

Share

Shandiliki na Misheki na Ambendinengo bakumbwile ngayi, “Obe Mwene ya Ngoma, kutwesha kukukumbula mu shambo eshe tufwako. Ndi shili noho Nyambi owe twalemeshanga ukutwesha kutulamwina ku mundilo wakulasheka na kutulamwina ku ngovu zobe obe mwene. Ngoboni ndi kaliha noho, Obe mwene ya Ngoma, limuka nehe ngayi kukalemesha ba nyambi bobe tufwako hinge kulemesha na kufunkamina kanankishi ka ngolinde uya wemika tufwako.”

Niho akumbwile ngayi, “Ngoboni monenu, Niku mona balume banaa hibenda na kuzinguluka mu mundilo, bakubula kumanga na kubula kuhoka, pe wawunaa hakati kabo uku moneka ngo mwana banyambi.”

Mwene Nembukandineza wambile ngayi, “Kuyemeziwe Nyambi ya Shandiliki na Misheki na Ambendinengo, ou natumu lingeloyi wendi na kupulwisha balume aba bamulemeshanga na kumukulupila. Babulile kwombatala ndayano za mwene na kuleyekamo wumi wabo kupitakana kutendela na kulamba ku nyambi washenge ndele tuhu wabo.

Nohobene haya nikupanika mazu awa ngayi, muntu nimwendi ku matunga nimwawo, hinge lulimi lwa kwamba bya kuhandula Nyambi wa Shandiliki na Misheki na Ambendinengo, ukapampoliwa na litala lyendi likashiwululiwa. Ndaba kowa Nyambi wamina watweshanga kulamwina mu nzila eye.”