Popular Bible Verses from Genese 35

Share

Nzambi wamwilili nindi, Yami Nzambi Chinaweji, semunune nuŋa, mwakavulaŋa. Muza nimukanka wanyuza wakafuma mudeyi, nianyanta akafuma mumayeyi. Ituŋa dinenkeli Abarahama naIsaka, nakakwinkadu eyi, nakayinkaduni anya neyi akahiŋa mudeyi.

Tunyamukenu, tuyenu kuBeteli, nakatuŋiluku kameŋa kaNzambi waŋakwili hefuku dinamweni yihupu, inadiŋi nindi munjila yami yinendeli.

Nzambi wamwilili nindi, ijina deyi yeyi Yakoba. Ijina deyi hiyakaditena cheŋi nawu Yakobaku, ijina deyi dakelayeyi Isarela. Wanamutumbili ijina dindi nindi, Yeyi Isarela.

Hohenohu Yakoba hakuyila akwamukala windi, niantu ejima adiŋiyi nawu, nindi, Fumishenu mukachi kenu akishi akwacheŋi imudinawu, mudijiliki, vwalenu nimahina acheŋi.

Nzambi wamwilili Yakoba, nindi, Nyamukaku, yaŋa kuBeteli, wakashakamuku; wakatuŋiluku kameŋa kaNzambi wadimwekesheli kudeyi hana hiwamutemukili mana kweyi Esawu.

Chelili mwevulu windi hiwukuya, muloŋa hakufwa, hakunamutumba ijina dindi, nindi diyi Benoni. Ilaŋa tata vindi wanamutumbili ijina dindi, nindi diyi Benjamini.