Popular Bible Verses from Exoda 6

Share

Dichi wukuhoshanawanyana kaIsarela, neyi, Yehova nindi, Ami yami Yehova, kuyiteliya waEjipitu nakayifumishaku, nakayamwina kuwuduŋu wawu, nakayi kúulana chikasa chakwolola, nakusompesha kwakweni kweneni hohu

nakayitambula mwakekala antu ami, ninami nakekala Nzambi yenu; mwakelukanenu, ami yami Yehova Nzambi yenu wayifumishili mukusenda yiteliya waEjipitu.

Nakayitwala mwituŋa dinasanyikilili Abarahama, naIsaka, naYakoba nami nakayinkadu, nakayinkadu denu, dakekala wuswana wenu; ami yami Yehova. Mosi wayilejeli anyana kaIsarela mwenomu, ilaŋa wena kwawu kumutiyilila Mosi nehi, muloŋa munyichima yawu hijinakumi dehi, nawuduŋu wawu wawukatu.

Yehova wamwilili Mosi nindi, Ichi dinu wukumona chinukumwila Fwaro; wakayumbaku nachikasa chaŋovu hohu, wakayite muna chakuyitemuna mwituŋa dindi nachikasa chaŋovu hohu.