Popular Bible Verses from Loma 6

Share

Mwomwo kuzangamisa chakuta nashili chikiko kufwa, oloze wana waKalunga wakufuma kulikoji wapwa mwono wázeneka kukuma muli Kulishitu Yesu Mwata wetu.

Mwomwo shili kayeshi kwiza kukapwa nawata hali enuko, mwomwo kamweshi muJishimbiko, oloze muli mulikoji.

Shikaho vatufunjile naKulishitu hamwe hakutujimika mukufwa chenyi, mangana ngana omu vamusangula muvafu haupahu waIse, ngocho nayetu nawa tutambukenga mukuyoya chachihya.

Kaha nawa kanda musuula vilyo vyamijimba yenu kushili mangana vipwenga vinoma vyamilimo yakuhengako. Oloze lisuulenunga kuli Kalunga mwaava vavatonyi váfuma lyehi mukufwa. Kaha vilyo vyamijimba yenu visuulenu kuli Kalunga mangana vipwenga vinoma vyamilimo yakwoloka.

Tunatachikiza echi ngwetu, uze mutu wetu wamwaka vamupapalilile naIkiye hamwe hakulusu, mangana mujimba washili vaufwomone, mangana tuzeneke kupwa cheka vandungo jashili.

Ngocho nayenu nawa, limonenunga enu vavene ngwenu mwahandunuka lyehi kushili hakufwa, kaha jino mwayoyela Kalunga muli Kulishitu Yesu.

Kaha jino, natwamba ngwetu ika? Tutwamenga lika mushili mangana likoji livulenga tahi? Chijilocho! Etu twáhandunuka kushili hakufwa, natuyoyela lika mushili ngachilihi?

Kamwatachikizako tahi? Ou vene namulisuulako kupwa muvandungo jenyi nakumwononoka, munapu vandungo jayou vene namwononoka — chipwe vandungo jashili chakutwala kukufwa, chipwe vandungo jakwononoka chakutwala kukwoloka.

Vamusakwililenga Kalunga, mwomwo mwapwilenga muvandungo jashili, oloze jino mwononokele chakufuma kumuchima chize kunangula kana vamiselelele. Kaha enu hakumisokola kushili, vanamilingisa kupwa muvandungo jakwoloka.