Popular Bible Verses from Loma 12

Share

Kaha kanda mulifwanyisanga namwaya myaka yinoko, oloze vamyalumunenga mweka hakulingisa vishinganyeka vyenu kupwa vyavihya, mangana mwesekenga vyosena, mutachize ovyo vyamwenemwene, vyakumusuulwisa, vyakukupuka — mukiko mwaya muchima waKalunga.

Shikaho, enu vandumbwami, ngunamilembelela hakutetela chaKalunga ngwami, hanenu mijimba yenu nge chimuna wakumuvatwila wamutonyi, wajila, wakusuulwisa Kalunga, ukiko vene mulimo wenu wakulifukula wamuze mwaya mangana.

Mukutalilila chenu wahililenunga. Hakumona chenu luyando liunjikenunga. Jikenunga michima yenu kukulomba.

Kupihya kanda chikamifungululako, oloze muchifungululenga hakulinganga mwamwenemwene.

Pwenunga muvaka-kulizanga navakwenu nazangi yamuwana-wakwenu. Monenunga vakwenu ngwenu vamihambakana ulemu.

Zangi yenu yipwenga yakuzeneka kulyonga. Hungenunga cheshocho chachipi, linjililenunga cheshocho chamwenemwene.

Nge chinahase, mweshomwo munahashila, twamenunga mukuunda navatu vosena.

Enu ngwazanga, kanda mukalitendako, oloze chisezenu kuutenu waKalunga, mwomwo vasoneka ngwavo, Kutenda chapwa chayAmi, Ami nangukavahilwishilamo. Mukiko nambe MWATA.

Hakenunga michima kumilimo yaMwata, kanda mupwa nakanengauliko. Mujishipilitu jenu ivwenunga hyangu. Zachilenunga Mwata muundungo.

Halikoji vánanguhane, nangwamba mutu himutu áli mukachi kenu ngwami, kanda akalimona ivene mwakuhambakana omu mwatela kulimonako. Oloze ashinganyekenga nakuliunjika, kweseka nomu nahanyina Kalunga mutu himutu seteko yalufwelelo.

Kanda mukahungasana kupihya nakupihya ndwa kuli mutu naumweko. Lyanukilenunga nakulinga vyamwenemwene kumeso avatu vosena.

Lishinganyekenunga navakwenu mwamwenemwene. Kanda namulivwimbangako, oloze likatenu navaze vazeneka ulemu. Kanda mukalimona ngwenu mwahambakana vakwenu manganako.

Oloze, Nge muka-kole wove mwevwa zala, mulise. Nge mwevwa lipwila, munwise. Mwomwo, Hakulinga ngocho mwevwa sonyi.

Kisulenunga vaze navamiyanjisa. Vakisulenu, kanda muvangulako. Wahililenunga navaze navawahilila, lishonenunga navaze navalishona.

Kafwenunga vaka-kujila mukukalikiza chavo. Lihanenunga kumilimo yakuzumbula vangeji.

Mwomwo ngana omu tukwechi vilyo vyavivulu mumujimba umwe, kaha vilyo vyosena kavyeshi namilimo yoyimweko, ngocho etu, chipwe tuvavavulu, tumujimba umwe muli Kulishitu, kaha twapwa, mutu himutu, chilyo chakumujimba umwe navakwetu.