Popular Bible Verses from Jekariya 9

Share

Onon himɓe Siyon, belbeltee. Onon himɓe *Urusaliima, kuuɓee kuuɓaali belɗum ɓerne. Daaree, laamiiɗo mon e wara to mon. Oo laati gooŋaajo, e jaaliiɗo. Oo leesini hoore makko, oo waɗɗii molel babba.

O halkan laanaaji pucci konu der leydi himɓe lenyol Efurayimu. O halkan pucci, e birooɗe kaɓirɗe konu der *Urusaliima. O accan lenyi fu jooɗoo jam. Laamaare makko wonan diga maayo ŋoo ɗo faa maayo ŋoo to, e diga gooruwol Efurata faa keerol leydi.

Min Alla Joomiraawo mon, mi hisinan on nyanne mum hande no duroowo hisinirta mareefuuji mum. On jalban der leydi mon hande kaaƴe ɗe ceede takkaaɗe e huuneere laamiiɗo.