Popular Bible Verses from Fuɗɗoode 3

Share

Debbo on yi'i hande leggal ŋal e nandi beluŋal nyaamɗe ni, eŋal wooɗi jiiɗe bo, ŋal waawan bo hokkugo mo hakkillo. Debbo on ɓori ɓikkon leggal ŋal nyaami, hokki kon bo gorko mo o wondunoo e mum, kanko bo o nyaami.

Der tewuji ladde ɗi Alla Joomiraawo tagi fu, boddi nun ɓurunoo ɗi ƴoyre. Ni yahi to debbo mo Alla tagi ɗon, ni wi'i: E gooŋa Alla wi'u nun to on nyaamee ɓikkon leɗɗe gonuɗe der gesa ɗon fu?

Mi wattan gayŋu hakkune maa e debbo, hakkune lenyol maa e lenyol makko. Goɗɗo diga lenyol makko pusan hoore maaɗa, an bo a pusan teppere makko.

O bati debbo bo o wi'i: Mi ɓeydan naawella sawsawru maaɗa. E gite boɗeeje nun dimirtaa, yidde maa fu wonoto e gorko, amma o laamante.

Sey bulinaa go keɓaa nyaamdu, faa nyanne maayuɗaa, ɓe uwi maa e leydi ni diga e mum burtiɗaa, gam diga e sollaare nun burtiɗaa, sey bittaa e sollaare.

O bati gorko bo o wi'i: Gam sabbu no jaɓuɗaa haala debbo maa, go nyaamuɗaa ɓikkon leggal kon kaɗu maa mi nyaamugo, leydi yaa'aama gam sabbu maa. E bone mawne nun keɓirtaa ko nyaamuɗaa der goonki maa fu.

Alla Joomiraawo ƴami mo: Moy nun annini maa no funtu nun gonuɗaa? Naa a nyaamu nun ɓikkon leggal ŋal bi'uno maa mi taa nyaamu?

Hande non non Aadamu riiwiraa, go malaykaaɓe reenooɓe waddaa e dammugal gesa Adinin gonuŋal far to lettugal, ɓee jogii laɓi nanduki e ɗenŋal yiite ɓee bifa gam ɓe deena dammugal leggal yonki.

Aadamu hokkii deekiiko inne Hawwa, gam kanko nun laatii inna himɓe fu.