Popular Bible Verses from Fuɗɗoode 17

Share

No Abraama waɗi duuɓi lasooji naay e sappo e jeenay (97), ɗon nun Alla Joomiraawo suppitanii mo, wi'i mo: Min woni Alla mo baawɗe. Yahu yeeso am, aa laatii koolaaɗo.

A noddataake kade Abraama, amma inne maa laatoto Iburaahiima. Gam mi laatinte baaba lenyi ɗuuɗɗi.

Mi haɓɓidan kade alkawal am e maa, an e sukaaɓe maa, e lenyi maɓɓe fu. Ɗ­um laatoto alkawal tabitiiŋal. Mi laatoto Alla maa, e Alla sukaaɓe maa e lenyol maɓɓe fu.

A yi'ii ɗo alkawal am ŋal kaɓɓidanmi e maa. Mi laatinte baaba lenyi ɗuuɗɗi.

Alla wi'i: Aa'a, debbo maa Saratu nun rimante suka gorko, den kokkaa mo inne Isiyaaku. Kanko nun kaɓɓidanmi alkawal am tabitintooŋal faa e lenyol makko fu.

Mi hokkete leydi Kanaana, an e lenyol maɓɓe fu, leydi Kanaana ni der mum jooɗiɗaa e koɗaaku, ni laatoto jeyde maɓɓe faa e baadey. Mi laatoto bo Alla maɓɓe.

Ɗ­on maa ɗon Iburaahiima jiccii, tuggi tiine mum e leydi, jali wi'i der ɓerne mum: Gorko mo duuɓi hewre rimante suka na? Saratu mo duuɓi lasooji naay e sappo heɓan suka na?

Alla bati kade Iburaahiima wi'i: Taa noddu kade debbo maa Saray, sey noddaa mo Saratu.

Kanjum laatoto maana alkawal hakkune am e mon.

Amma mi haɓɓidan alkawal am e Isiyaaku mo Saratu rimante mawuuri hande wakkati kii ɗo.

Suka gorko der lenyol mon fu, to waɗii balɗe jeetati, juulnee. Non bo maccuɗo dimaaɗo e wuro maa e coodaaɗo e ceede to koɗo mo laataaki mo lenyol maa fu. Sey dimaaɗo e wuro, e coodaaɗo e ceede fu juulnee. Den maana alkawal am tabitinto der ɓalli mon faa e baadey.