Popular Bible Verses from Daniyel 9

Share

Du'iimi, eelumi Alla Joomiraawo am, tuubumi hakkeeji himɓe am bi'umi: Joomiraawo, an Alla mawɗo kaanuɗo huleego, aa hebbinana yiɗuɓe maa go e tokki sariyaaji maa alkawal ŋal kaɓɓanɗaa ɓe. Aa yiɗi ɓe bo.

Alla am, hettina nanu. Maɓɓitin gite maa ji'aa no cuuɗi amen yaniri, daaru no wanŋarde innitirteene inne maa laatorii bille. Men eelataa maa gam sabbu emen laatii gooŋaaɓe yeeso maa, amma men eelete nun gam sabbu yidde mawne ne jiɗuɗaa men. Joomiraawo, jaɓu du'aare amen. Yaafana men hakkeeji amen. Hettinana men. Toonta men lallaw gam sabbu inne maa, an Alla am, gam an woodi wanŋarde nen, e himɓe ɓen fu.

Ɗon nun cuumiimi, ɓorniimi kolte biisere ɓerne, baanjumi hoore am dooni, du'iimi, eelumi Alla Joomiraawo ballal.

Men ummanake maa an Alla Joomiraawo amen. Amma enon fu a yaafanake men hakkeeji amen gam sabbu yidde ne jiɗuɗaa men.

Der yonto sakitiiŋo, o doolan himɓe ɗuuɓɓe haɓɓida alkawal e makko. Der feccere yonto ŋon, o haɗan himɓe waɗango Alla kiiseteeɗi, e sadakaaji. O waɗan kalluɗum e jaawuɗum faa halkere makko yottoo hande no Alla yesiri ɗum.