Popular Bible Verses from MATIU 19

Share

Ben Yesu ń gwá tíii, à bèńnɛ: Gbɛ̃ntee é fↄ̃ro. Luda kiia baabↄ píngi è sí kɛ.

Aↄ̃ↄ kuu plaa dↄro, sé do. Beee yãnzi gbɛ̃ kɛ̀ Luda ń nákↄ̃anↄ, gbɛ̃ntee tón ń kɛ̃kↄ̃aro.

À wèńla à bè: Kɛ̀ Luda ń kɛ́ gↄ̃gbɛ̃ kↄ̃n nↄgbɛ̃o ũ zaa káaku, ée à kyó kɛ á màroo? Luda bè, beee yãnzin gↄ̃gbɛ̃ é a de kↄ̃n a dao tó, aↄ̃é nakↄ̃a kↄ̃n a naↄ̃o, aↄ̃ gↄ̃ↄn plaaa é gↄ̃ mɛ̀ doo ũ.

Ben Yesu bè: À tó nɛ́nↄ mↄ́ ma kiia. Àton gíńnɛro, zaakɛ aↄ̃ takanↄ pↄ́n kpata kɛ̀ bↄ̀ Luda kiia ũ.

Mↄde gbɛ̃ káakunↄ égↄ̃ kpɛɛdeenↄ ũ pari, kpɛɛdeenↄ égↄ̃ gbɛ̃ káakunↄ ũ pari.

Gbɛ̃ kɛ̀ à a bɛɛ ke a vĩ̀inↄ tò ke a dãaronↄ ke a de ke a da ke a nɛ́nↄ ke a buraanↄ ma yãnzi, adee é ɛara à beee taka e lɛo basↄↄro, bensↄ̃ eé wɛ̃̀ndi kɛ̀ è yãaroo e.

Yesu bènɛ: Tó ń yezi ǹgↄ̃ papana, ǹ gá ǹ n pↄ́nↄ yá píngi, ǹ à ↄↄ kpá takaasideenↄa, ǹ mↄ́ ǹ tɛ́mazi, nɛ́gↄ̃ auziki vĩ ludambɛ.

À wèàla à bè: À kɛ̀ dia nɛ́ɛ ma laa maakɛna yãzi? Luda ado bé à maa. Tó ń yezi ǹ gɛ̃ wɛ̃̀ndi pì guu, ǹgↄ̃ à yãdiɛnanↄ kũna.

Mɛ́ɛ ooare dↄ, lakumi gɛ̃na pↄrↄyĩn aaga dɛ auzikide gɛ̃na kpata kɛ̀ bↄ̀ Luda kiia guula.

Mɛ́ɛ ooare, gbɛ̃ kɛ̀ gì a naↄ̃zi, tó èe kɛ à gↄ̃pↄsɛɛ kɛ̀nlo, tó à nↄ pãnde sɛ̀, adee zina kɛ̀n gwe.

Ben Yesu bè a ìbanↄnɛ: Yãpuraan mɛ́ɛ ooare, à zĩ'ũ auzikideenɛ à gɛ̃ kpata kɛ̀ bↄ̀ Luda kiia guu.