Popular Bible Verses from EBERUNƆ 11

Share

Ludanaanɛkɛnan tãmaadↄnaa seka sai ũ, yã kɛ̀ wè wɛ́ɛ siàlɛro sina yãpuraa ũ. Gbɛ̃ káakunↄ ludanaanɛkɛna bé à tò Luda ń sáabu kpà.

Gbɛ̃ke yã è ká Ludanɛ à náanɛkɛna sairo. Séde gbɛ̃ kɛ̀ èe sↄ̃ↄzi sí kɛ̀ à kuu bensↄ̃ è fĩa bo a kii wɛtɛrinↄnɛ.

Wa ludanaanɛkɛna bé à tò wá dↄ̃ kɛ̀ à yã'ona bé à anduna kàɛ. Pↄ́ kɛ̀ wè wɛ́ɛ siàlɛroon à pↄ́ kɛ̀ wè wɛ́ɛ siàlɛ kɛ̀o.

Kɛ̀ Luda Ibraĩ sìsi lɛ à gá bùsu kɛ̀ é kpáa àgↄ̃ vĩi guu, ben Ibraĩ Luda náanɛ kɛ̀, à Luda yã pì mà. À bↄ̀ bɛ, baa kɛ̀ à guu kɛ̀ èe gaan pì dↄ̃ro. À Luda náanɛ kɛ̀, ben à bɛɛ pɛ̀ɛ bisakutaa ũ bùsu kɛ̀ Luda à lɛ́ gbɛ̃̀nɛ pì guu nibↄ ũ. Lɛmɛ dↄ Isaaku kↄ̃n Yakubuo, zaakɛ Luda lɛ́gbɛ̃na pì gↄ̃̀ ń pↄ́ ũmɛ.

Kɛ̀ Luda lɛ́ dà Nuua yã kɛ̀ wèe e yãroo musu, ben à Luda náanɛ kɛ̀, à à yã mà, à góro'itɛ kɛ̀, à a uadeenↄ mì sìo. À ludanaanɛkɛna bé à tò yã vɛ̃̀ɛ andunaa, bensↄ̃ Ludaa tò yã bↄ̀o nna a náanɛ kɛ̀ à kɛ̀ pì yãnzi.

Ɛnↄku ludanaanɛkɛna bé à tò Luda à sɛ̀, lɛ àton garo yãnzi. Wèe à e dↄro, kɛ̀ Luda à sɛ̀ bↄna anduna guu yãnzi. Ai Luda gↄ̃ gá à sɛ́, à à sáabu kpà, à bè à yã kàare.

Abila ludanaanɛkɛna bé à tò à sa'ona Ludaa maaa dɛ̀ Kaini pↄ́la. À ludanaanɛkɛna yãnzin Luda à sáabu kpàzi, à à dìɛ gbɛ̃ maaa ũ, ben à à gbaa sì. Baa kɛ̀ à gà, wá kpɛ́ wée à yã maa Luda náanɛ kɛ̀ à kɛ̀ pì yãnzi.

Sara ludanaanɛkɛna bé à tò à zɛ́ è à nↄ̀ sì, baa kɛ̀ pãaamɛ, bensↄ̃ à zi kũ̀, zaakɛ à dↄ̃ kɛ̀ Luda kɛ̀ lɛ́ gbɛ̃̀are náanɛ vĩ.

Zaakɛ wɛ́tɛ kɛ̀ Ludaa kàɛ à bò à kãsãpɛɛnan Ibraĩ wɛ́ɛ dↄzi.

Kɛ̀ Musa bíta kũ̀, ben à Luda náanɛ kɛ̀, à gìzi wà à sísi Fili'auna nɛ́nↄgbɛ̃ nɛ́ ũ. À sì wà wɛ́ɛ tãawa kↄ̃n Luda gbɛ̃nↄ dɛ kuuna kↄ̃n pↄnnaao durun guu gurↄ plaaala. À dìɛ kɛ̀ wí kɛ̀ wè daḿma Kirisi yãnzi dɛ Igipiti auzikila, zaakɛ ziaa zĩ láadan à wɛ́ɛ kúa. À ludanaanɛkɛna bé à tò à bↄ̀ Igipiti, èe vĩa kɛ Fili'auna pↄfɛ̃nɛro, à zɛ̀ gíngin lándↄ̃ à Luda kɛ̀ wè e kↄ̃n wɛ́ɛoroo è bà.

Kɛ̀ Luda Ibraĩ yↄ̃̀ à gwà, ben Ibraĩ Luda náanɛ kɛ̀, à Isaaku kpà sa'opↄ ũ. Luda lɛ́ gbɛ̃̀nɛ yã à bè, Isaaku boriinↄn weégae benɛ a boriinↄ ũ. Baa kↄ̃n beeeo à zɛ̀ kↄ̃n a nɛ́ mɛ̀n doo pì kpanao.

Kaarua Rahabu Luda náanɛ kɛ̀, à gu'asiigwarinↄ dìɛ à ń gwá maamaa, ben èe kaatɛ kↄ̃n ludayãdarisainↄoro.

Isarailinↄ Luda náanɛ kɛ̀, aↄ̃ bikũ̀ Isia Tɛ̃aaa lán tↄↄtɛ kori bà. Kɛ̀ Igipitinↄ yↄ̃̀a lɛ, ben í dàńla.

Isarailinↄ Luda náanɛ kɛ̀, aↄ̃ táa ò wà lìga Yɛrikozi ai gurↄ swɛɛplaa, ben à bĩi kwɛ̀.

À ludanaanɛkɛna bé à tò à Banla zĩbaa dìɛ kↄ̃n aru mámana kpɛɛlɛ gũ̀ao, lɛ malaika gbɛ̃dɛdɛri tón ↄ kɛ ń daudunↄaro yãnzi.

Kɛ̀ Yusufu kà gana, ben à Luda náanɛ kɛ̀, à Isarailinↄ bↄna Igipiti yã ò kↄ̃n lán aↄ̃é kɛ kↄ̃n à gɛ̀wao nà.

Kɛ̀ Yakubu kú gaa lɛ́zĩ, ben à Luda náanɛ kɛ̀, à sa'olɛ kɛ̀ Yusufu nɛ́nↄnɛ, ben à gbãa è a gòa à dↄnzi kɛ̀.

Isaaku Luda náanɛ kɛ̀, ben à sa'olɛ kɛ̀ Yakubu kↄ̃n Isauonɛ.