Popular Bible Verses from LAASUUDEE 5

Share

N lɛ́ tóngↄ̃ wãaro, ǹton wã ǹ yã o Ludanɛro. Lán à kú musu ń kú tↄↄtɛ nà, ǹton yã o pariro.

Beee gbɛra tó Luda gbɛ̃ kà ↄↄdaaa kↄ̃n auzikio, ben à à gbà zɛ́ à aufãni kɛo, à zɛ kↄ̃n a bakao à a zĩ sáabu kpá. Luda bé à à gbà.

Gbɛ̃ kɛ̀ ye ↄↄzi è kɛ̃sãa, gbɛ̃ kɛ̀ ye auzikizi àre è mↄ́aro. Beee nɛ́ yã pãamɛ dↄ.

Tó n gaa Luda ua guu, ǹgↄ̃ kú kↄ̃n làakario. Ǹ sↄ̃zi ǹ à yã maa maa dɛ yↄ̃nkↄↄnↄ sa'ona gweela, zaakɛ aↄ̃ yãdↄ̃nasai bé è tó aↄ̃ yã zaaa kɛ.

Tó n lù sɛ̀ Ludanɛ, ǹton à papana gurↄ gágaro. Ǹ à papa, zaakɛ yↄ̃nkↄↄnↄ yã è kánɛro.

Lùsɛna Ludanɛ sai maa dɛ n lù sɛ̀nɛ papana saila.

Zĩgbãakɛri è i nnaa o, baa tó à pↄ́ blè féte ke bíta. Auzikidee sↄ̃ pↄ́ parii è tó à ii oro.

Gbɛ̃ntee è bↄ a da gbɛɛɛn bũumɛ. Lán à mↄ̀ nà lɛn è liara à tá lɛ dↄ, è a zĩ àre ke e à sɛ́ à na a ↄzĩ à táoro.