Popular Bible Verses from 2 KINANƆ 4

Share

Ben Ɛlisa bènɛ: Bↄ́n ń yezi mà kɛnnɛɛ? Ǹ omɛ, bↄ́n ń vĩ n kpɛ́n? Ben à bè: Mamↄma n zↄ̀bleri, nↄ́si kɛ̀ kú tùu guu baasiro má pↄ́ke vĩro.

Annabinↄ gãli gbɛ̃ke naↄ̃ wii pɛ̀ Ɛlisazi à bè: Ma zã kɛ̀ dɛ n gbɛ̃ ũu gà. Ń dↄ̃ kɛ̀ n gbɛ̃ pì Dii vĩa vĩ. À fĩadee e mↄↄ à ma nɛ́gↄ̃gbɛ̃ gↄ̃ↄn plaaanↄ sɛ́ɛ a zↄ̀nↄ ũ.

Ben Ɛlisa bè: Ǹ gá bàazi ǹ ta korinↄ gbekagbeka n gbɛ̃daaanↄa ń píngi, àgↄ̃ pari

nɛ́ gɛ̃ kpɛ́n ǹ zɛ́ tatanlɛ kↄ̃n n nɛ́nↄ, ǹgↄ̃ nↄ́si kákaa taa pìnↄ guu, taa kɛ̀ pà nɛ́ diɛ kpado.

Kɛ̀ taa pìnↄ pà píngi, à bè a nɛ́nↄ dokenɛ à ta pãnde dↄare, ben à bènɛ ta kee kuu dↄro, ben nↄ́si pì yona zɛ̀.

À gàa à ò Luda gbɛ̃ pìnɛ, ben Luda gbɛ̃ pì bè: Ǹ gá ǹ nↄ́si pì yá ǹ fĩa boo, mpi kↄ̃n n nɛ́nↄ égↄ̃ pↄ́ blee kↄ̃n à kpaaa kɛ̀ gↄ̃̀o.

Ben nↄgbɛ̃ pì fɛ̀ɛ à bↄ̀ à kiia à gàa kɛ lɛ. À gɛ̃̀ kpɛ́n kↄ̃n a nɛ́nↄ à zɛ́ tàta, aↄ̃ↄe taa dↄↄnɛ, ben èe nↄ́si kákaan.

Ben à dàɛ nɛ́ pìa. À lɛ́ pɛ̀ à lɛ́a à wɛ́ɛ pɛ̀ à wɛ́ɛn à ↄ dàda à ↄↄnↄn. Lán à dàɛ nɛ́ pìa nà, ben à mɛ̀ kɛ̀ lↄ́gↄlↄgↄ.