Popular Bible Verses from MATIU 16

Share

Akũ Yesu pì a ìbanɔnɛ: Tó gbɛ̃ ye à kɛ ma ìba ũ, séde à gí a zĩda wɛ̃̀ndiii, à a lígbãndurukpana sɛ́ à tɛ́omai.

Matɛn onnɛ: Pitamɛ n ũ, gbɛ̀si pìn mani ma sɔsi kátɛa, gyãwãn gbãna ni zĩ̀ blearo.

Mani kpata kũ à bò Luda kĩnaa mɔ̀nɛnɔ kpámma. Pɔ́ kũ n yĩ̀ zĩtɛ yĩna musu. Pɔ́ kũ n pòro zĩtɛ porona musu.

Gbɛ̃ kũ à ye àgɔ̃ a wɛ̃̀ndi kũna ni kurai. Gbɛ̃ kũ à gì a wɛ̃̀ndiii ma yãi sɔ̃, ade mɛ́ anigɔ̃ wɛ̃̀ndi vĩ.

Tó gbɛ̃ gɔ̃̀ à andunia vĩ pínki, tó à kùra a wɛ̃̀ndiii, bɔ́ àreen ani lee? Bɔ́n gbɛ̃ ni le à a wɛ̃̀ndi lilin kɛoo?

Yesu pì: Ákɔ̃nɔ sɔ̃, dín adì pi má de a ũu? Simɔ Pita wèa à pì: Arumasihumɛ n ũ, Luda Wɛ̃̀ndide Nɛ́.

Akũ Yesu pìnɛ: Arubarikademɛ n ũ, Inusa nɛ́ Simɔ! Zaakũ adi kɛ bisãsiri mɛ́ à yã bire dànnɛro, ma De kũ à kú musumɛ.