Popular Bible Verses from Sɑ̃ɑrun Woodɑ 26

Share

Nɑ kon sĩimɔwɑ bɛɛn suunu sɔɔ kpɑ nɑ n sɑ̃ɑ bɛɛn Yinni kpɑ i n mɑɑ sɑ̃ɑ nɛn tɔmbu.

kon de gurɑ yu nɛ yen sɑɑ sɔɔ kpɑ tem mu dĩɑnu wɛ̃ kpɑ dɑ̃nu nu binu mɑ.

Ì n nɛn woodɑbɑ mɛm nɔɔwɑ mɑ i ye swĩi

Kon de ɑlɑfiɑ yɑ n wɑ̃ɑ tem mɛ sɔɔ. Goo kun bɛɛ bɑɑsimɔ ì n dò. Kon de yɛɛ gɔbi yi doonɑ. Mɛyɑ tɑbu kun mɑɑ duɔ tem mɛ sɔɔ.

Kon kɑ bɛɛ nɔnu geu mɛɛri kpɑ n de i mɑrurɑ i kɔwɑrɑ kpɑ n de nɛn ɑrukɑwɑni yɑ n wɑ̃ɑ sere kɑ bɛɛn bibun bibɔ.

Nɛnɑ Gusunɔ bɛɛn Yinni, nɛ wi nɑ bɛɛ yɑrɑ sɑɑ yorun di Egibitiɔ. Nɛnɑ nɑ Egibitigibun dɑm dɔrebu kpeerɑsiɑ. Tɛ̃ i ko i kpĩ i sĩ n kun kɑ sekuru.

Kon de bu nɛn wɑ̃ɑ yeru girɑ bɛɛn suunu sɔɔ. Nɑ ǹ mɑɑ bɛɛ biru kisimɔ.

Nɑ nɛɛ, i ku bwɑ̃ɑroku gɑgu sɑ̃. I ku rɑ mɑɑ gɑ̃ɑnu gɑnun weenɑsinu ko. I ku mɑɑ kperu gɑru girɑ te bɑ gɑ̃ɑnu gɑnun weenɑsinu koosi kpɑ i yiirɑ i sɑ̃. Domi nɛnɑ nɑ Gusunɔ bɛɛn Yinni.

I ko i bɛɛn dĩɑ gurunu di sere nu tiɑrɑ kpɑ i kpɑɑnu kɔsire ko bɛɛn birɑnɔ.

Bɛɛn nɔɔbu bɑ koo kpĩ bu tɔmbu wunɔbu (100) nɑɑ swĩi bu go. Kpɑ bɛɛn wunɔbu bu tɔmbu nɔrɔbun subɑ wɔkuru (10.000) nɑɑ swĩi bu go kɑ tɑkobi.

I ko n dĩɑnu gɛ̃ɛmɔwɑ sere bɛɛn resɛm yu kɑ sɔribu turi. Kpɑ resɛm ye, yɑ n mɑɑ wɑ̃ɑ duurubun sɑɑ. I ko i di i debu kpɑ i n wɑ̃ɑ kɑ bɔri yɛndu bɛɛn tem sɔɔ.

I ko i bɛɛn yibɛrɛbɑ nɑɑ girɑwɑ kpɑ i bu tɑkobi sɔkiri i kɑmiɑ.

I tɔ̃ɔ wɛ̃rɑrugiru yɑɑyo kpɑ i nɛn kuu bekurugiru bɛɛrɛ wɛ̃. Nɛ, Yinni Gusunɔwɑ nɑ ye geruɑ.