Popular Bible Verses from YAMISI 1

Share

Ma gbɛ̃nɔ, wari burinɔ dasi. À pɔ́ kũ ani á le ditɛ pɔnna yã ũ, zaakũ á dɔ̃ kũ á ludanaanikɛna yɔ̃ogwana ni mɛna iárɛ.

Tó ɔ̃ndɔ̃ tɛn kĩa á gbɛ̃kea, à wɛ́ kɛ Ludaa, ani a gba, zaakũ àdi gbɛ̃ sĩnda pínki gba pɔ́ kũ nɛ̀sɛɛo do taari'enaa sari.

Ma gbɛ̃ yenyĩdenɔ, à yã dí ma. Àgɔ̃ yã ma likalika á pínki, ama àsun yã o likalikaro, àsungɔ̃ pɔ fɛ̃ likalikaro.

À tó mɛna papaáwa, de àgɔ̃ de gbɛ̃ kàsaranɔ ũ swáswa yãke kĩanaáwa sari.

Àsun á zĩda sãtɛro, àsun yã pì ma kũ são pãro, à zĩ kɛa.

Arubarikaden gbɛ̃ kũ àdi yɔ̃ogwana fɔ̃ ũ, zaakũ a bona mana gbɛra Luda ni wɛ̃̀ndi kũ à a lɛ́ sɛ̀ gbɛ̃ kũ ò yeainɔnɛ kɛnɛ yàri ũ.

Gba mana swáswa sĩnda pínki dì bo musu, De Luda pɔ́gupurinɔ Kɛ̀ri kĩnaamɛ. Àdi litɛro, a gupura i dì lagoro.

Zaakũ gbɛ̃ kũ àdi yã ma, akũ àdi zĩ kɛoro de lán gbɛ̃ kũ àtɛni a zĩda gwa dígi gũn bàmɛ. A zĩda gwanaa gbɛra, tó à gɛ̃̀ zɛ́la, lákũ à de nà dì sãagu gɔ̃̀nɔmɛ.

Donyĩkɛna swáswa kũ à taari vĩ De Ludanɛron dí: Ò tonɛnɔ kũ gyaanɔnɔ gwa ń wɛ̃ndakɛ gũn, ògɔ̃ ó zĩda kũna dɔ̃ gbãsĩ sari andunia yã musu.

Tó yɔ̃ogwana gbɛ̃ lè, àsun pi Ludamɛro, zaakũ oni fɔ̃ ò Luda lɛ́ ò gwà kũ a vãnioro, akũsɔ̃ àpii dì gbɛ̃ke yɔ̃ à gwa kũ a vãnioro. Baadi yɔ̃ogwanaa dì bo a pɔ́nidɛna kĩnaamɛ, akũ àdi a wɛ́ ble à a gátɛ.

Takaside kũ à kú ó tɛ́ pɔnna kɛ, kũ Luda a kàra yãi.