Popular Bible Verses from BONAA 2

Share

À ń ndanaa mà, a bàka kũ à kú kũ Ibrahĩo kũ Isaakuo kũ Yakubuo dí sãaguro. Luda Isarailanɔ gwà, akũ ò kɛ̀nɛ wɛ̃nda.

Kũ à gìi kɛ̀, akũ Misilanɔ kína gà. Isarailanɔ tɛni nda zɔ̀zĩ kũ òtɛn kɛ yãi, òtɛn wiki lɛ́, akũ ń wiki pìi kà Luda kĩnaa.

Kũ nɛ́ pì zɔ̃kɔ̃ kũ̀, à a sɛ̀ à gɛ̀ɛ kãao Firi'auna nɛ́nɔgbɛ̃ pìinɛ, akũ à a sì a nɛ́ ũ. À tɔ́ kpànɛ Musa, zaakũ à pì, a a bò í gũmmɛ.

Firi'auna nɛ́nɔgbɛ̃ pìi pìnɛ: Ǹ nɛ́ pì sɛ́ ǹ tá kãao ǹgɔ̃ a gwamɛnɛ, manigɔ̃ fĩna bonnɛ. Akũ à nɛ́ pìi sɛ̀ à tà kãao, àtɛni a gwa.

Akũ Firi'auna nɛ́nɔgbɛ̃ gɛ̀ɛ zú o swai, a gbɛ̃nɔ tɛn kure swa pì lɛ́a. À tãnko è ditɛna kandan, akũ à a zɔ̀nɔkpare zĩ̀ à gɛ̀ɛ à a sɛ̀.

Zĩkea kũ Musa zɔ̃kɔ̃ kũ̀, à gɛ̀ɛ a buri Eberunɔ gwa, akũ à zĩ gbãna kũ òtɛn kɛ è. À è Misila gbɛ̃ tɛni a buri dake gbɛ̃. Kũ à gu gwàgwa, adi gbɛ̃ke ero, akũ à Misila gbɛ̃ pìi dɛ̀ à a ùtɛ bùsu'atɛ̃n.