Popular Bible Verses from اِنجِیل شریف (لُوقا) 24

Share

میں رُوحِ پاک تُساں اپر نازل کرساں جِس نا وعدہ مہاڑے آسمانی باپ کِیتا وا اَے۔ پر جِس ویلے تک تُساں کی اللّٰہ تعالیٰ نی طرفوں قوَّت ناں لبھی جائے، اِسے شہر وِچ رہو۔“

او اِتھے نی، بلکہ زِندہ ہوئی گیا اے! یاد کرو اُس ریاست گلِیل وِچ تُساں کی آخیا سی،

اُس ویلے اُنہاں نیاں اکھیاں کُھلیاں، تے اُنہاں حضرت عِیسیٰ کی سیاݨی کِہندا۔ پر او اُنہاں نی نَظراں کولوں غائب ہوئی گئے۔ فِر اُنہاں اِک دُوئے نال اِسرح گلاں کِیتیاں، ”واقعی جِس ویلے راہ وِچ حضرت عِیسیٰ اَساں نال کلامِ پاک نیاں گلاں کرنے سݨ، اُس ویلے ساڑے دِل کِتنے جوش وِچ آئے وے سݨ، ہیں نا؟“

اُنہاں آخیا، ”کلامِ پاک وِچ لِخیا وا اَے کہ، ’اچھݨے آلے مسِیح اپر دُکھ تے تکلِیفاں اچھسݨ، تے مَرنے تُوں بعد ترِیئے دیہاڑے فِر زِندہ ہوئی جاسی۔‘ اے وی لِخیا وا اَے کہ یرُوشلم شہر تُوں شرُوع کری کے ساری دُنیا وِچ اُس نے ناں اپر اِس گل نی لازمی تبلِیغ کِیتی جائے کہ ’تُساں توبہ کرو، تے فِر تُساں کی اپݨے غُناہواں نی مُعافی لبھسی‘۔

قبر اپر جائی کے اُنہاں تکیا کہ قبر نے مُونہے اپر رَخیا وا پتھر کُسے روڑھیا وا سی۔ جیہڑے ویلے او اندر گئیاں، تے تکیا کہ حضرت عِیسیٰ نی میّت مُبارک قبر وِچ نی سی۔