Popular Bible Verses from Remarja 2

Share

Tu te sikreh ap i wawarende, kai sawo koowa krenna, un tu kreh kowa ninna, patseh tu tchatchepah, tu nai nasheh o Debleskri choljatar krik? Hi tuke o Debleskro baro latchepen tchi moldo? Les hi i baro dji un dell i menshen gar sik pre. Djineh tu gar o Debleskro latchepen, hoi kamell tut ap leskro drom te anell?

Tu mensho, kai dikeh ap kolende un peneh, har baro hi lengri doosh, tu nai peneh gar tutar: “Man hi kek doosh ap mande.” Ko tchilatchepen, hoi tu ap o wawareste dikeh, hi ninna ap tute. Tu te sikreh ap o wawareskri doosh, rakreh tu o tchatchepen pral tute win.

O Dewel dikell gar ap jekeste, koon job hi.

Glan o Debleste hi kolla tchatcho, kai krenna, hoi job kamella, un gar kolla, kai shunenn kol laba un krenn gar, hoi kol laba penenna.

Ap ko diwes dell lo hakenes pal kowa, hoi job kras.

Ap kol wawarende well leskri choli. Lenge hi lo gar latches. Jon hi kolla, kai djiwan pal pengro shero un shunan gar ap o Debleskro tchatcho lab, un kran, hoi lengro tchilatcho dji lenge penas.

Un tu kameh gar pash leste te well. Tiro dji hi har bar. Doleske well o Debleskri choli baro un bareder, hoi ap tute wella ap ko diwes, kai hi o Dewel o tchatchepaskro rai un rakrell o tchatchepen win pral i tsele menshende.