Popular Bible Verses from Filiparja 4

Share

Ma darenn tchi! Hako tsiro mangenn o Deblestar, hoi tumen hunte well, un penenn leske lauter, hoi ap tumaro dji hi! Un parkrenn tumen pash leste!

Palle dell o Dewel tumen peskri bacht an o dji. Leskri bacht hi jaake baro, kai nai haiwah kowa gar. Un o Jesus Kristo rikrell tumaro dji, un lell tumari daar krik.

Pale penau tumenge, mire phrala, rakrenn pral kowa, hoi latcho un tchatcho hi, hoi djudjo hi, hoi kamlo hi, hoi mishto hi pash i menshende! Awa, rakrenn pral lauter kowa, hoi shukar hi un well sharedo!

O Jesus Kristo dell man i soor, te djiwap jaake te jaake.

Awenn bachtelo hako tsiro! Tumari bacht well o Jesusestar, maro rajestar. Awa, awenn bachtelo!

Miro Dewel dell ninna tumen lauter, hoi tumen hunte well djipaske. Les hi i baro brawlepen an o bolepen. Kowa dell lo kolen, kai djan ap o Jesus Kristeskro drom.

Un djiwenn jaake, har me tumenge penom un sikrom, jaake har tumer kowa mandar shunan un ap mande dikan! Un o Dewel, kai kras i drom, te nai djiwah an o latchepen khetne, hi tumentsa!

Sikrenn hakeneste tumaro latchepen! O rai Jesus wella an i tikno tsiro pale.

Me nai hom tchorwelo, un me nai hom brawelo. Kowa lauter prindjrau. Me nai bokau. Un me nai hom tchalo. Me djinau har kowa hi, te hi man budeder har doha djipaske. Un me djinau, har kowa hi, te hi man gar doha djipaske.

Kowa penau gar, te sikrap tumen, kai man gar doha his. Na-a. An miro djipen haiwom, te hi mange kowa doha, hoi man hi.