Popular Bible Verses from 3. Mose 19

Share

Ma de o tchilatchepen pale, hoi i wawar ap tute kras, un hidje leske tchi palla. Tu wess jaake latches ap leste, har hal latches ap tute kokres. Me hom o baro Dewel.

Ma tchinenn tumen an tumaro mass, te meras jek. Kek sikepen krenn ap tumende! Me hom o baro Dewel.

Pen ap i tsele Israelitarja: Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake har i Debleskre menshe djiwenn.

Te choiral tut pral jekeste tire menshendar, ma hidje tiri choli tuha trujel. Pen leske, hoi lo gar mishto kras, te aness kek doosh ap tute.

Ma djan pash i durkepangre un pash kolende, kai i mulen putchenn! Ma rodenn sawen pre, te krenn tumen gar pale-tchiddo ap lende. Me, o baro Dewel, hom tumaro Dewel.

Ma dja trujel un pen chochepen pral i wawarende! Te hunte peneh win glan i tchatchepangre, ma pen chochepen, te aness o wawares an o merepen. Me hom o baro Dewel.